GASA
Wa ko damha
Ikaw moabot pa
Sa upat ka
buwang hinuwat
Ikaw akong
madawat
Kalipay kong
sangko sa langit
Kay ikaw miabot
ug wala masangit
Wa ko pa man
nabati ang gugma
Nasayod ako nga
kana moabot ra
Tuod man, tuig
ang milabay
Ug akong gugma
misugod na ug agay
Daw balde nga
nag-awas-awas
Sa poso nga wa’y
puas sa pag-agas
Gugma gyud ni
nga tinud-anay
Kay akong gugma
wala malanay
Panagsa ra
mahimpalgi
Ang gugmang
ingon ani
Karon, ako
makaingon
Ikaw ang
bulawang gihatag sa Panginoon
Mapasalamaton
ako kaniya
Kay ikaw iyang
gi-gasa
Hununga na!
Agay! Agay!
Hununga na kana dong!
Wa ka ba maluoy sa akong dughan?
Kapila na kini nimo gipasakitan
Pangita na ngadto ug lain!
Kanang makaantos
Kay ako dili na makaya
Ang mga panamastamas ug imong panaugdaug
Basin nagtuo ka dong,
Nga sayon ang mahigugma?
Dili ra ba!
Mao nga hununga na!
Mangita na ko ug i-puli
Kanang dili parehas nimo
Kanang tinu-anay nga mahigugmaon
Ug mapinanggaon
Lakaw na! ayaw paglangan!
Nag usik-usik ka lang
Sa akong luha ug panahon
Nga unta nakakaplag pa ako ug tarong
No comments:
Post a Comment